બોલીવુડના મિ.ખિલાડી ગણાતા અક્ષય કુમારની દીલેરીથી સહુ કોઈ પરિચિત છે અને જયારે કોઈ આપત્તિ દેશ પર આવે ત્યારે મદદ કરવા માટે હમેશા અગ્રેસર રહે છે હાલમાં તેણે કોરોના ફાઈટર્સને અલગ રીતે બિરદાવ્યાં છે મહામારી કોરોના વાઇરસ સામે ખુદનો જીવ જોખમમાં મૂકીને દિવસરાત લોકોની સારવાર કરનાર ડોક્ટર્સને ટ્રિબ્યુટ આપતું સોન્ગ રિલીઝ કરાયુ છે અક્ષય કુમારની 2019ની ફિલ્મ ‘કેસરી’નું ‘તેરી મિટ્ટી’ સોન્ગ તેણે ડોક્ટર્સને સમર્પિત કર્યું છે. ડોક્ટર્સને સમર્પિત આ સોન્ગનું વર્ઝન શેર કરતા અક્ષયે લખ્યું કે, સાંભળ્યું હતું ડોક્ટર્સ ભગવાનનું રૂપ હોય છે પણ કોરોના વાઇરસની આ લડાઈમાં જોઈ પણ લીધું. અગાઉ તેણે દિલ સે થેન્ક્યુ નામનું કેમ્પેન શરૂ કર્યું હતું. તેમાં તેણે ડોક્ટર્સ, નર્સ, મેડિકલ સ્ટાફ, પોલીસ, હોમગાર્ડ,નગરપાલિકાના કર્મચારી વગેરેનો આભાર માન્યો હતો. અક્ષય કુમારે અગાઉ મુસ્કુરાયેગા ઇન્ડિયા વીડિયો સોન્ગ પણ રિલીઝ કર્યું હતું જેમાં તેની સાથે અન્ય બીટાઉન સેલેબ્સ પણ સામેલ હતા. અક્ષયે પીએમ રિલીફ ફંડમાં 25 કરોડ રૂપિયાનું યોગદાન પણ આપ્યું છે.