કોરોના વાઇરસના ભય વચ્ચે હાલ લોકો ઘરમાં જ બંધ છે. સુરક્ષાને ધ્યાનમાં રાખીને બી ટાઉન સેલેબ્સ પણ હાલ ઘરમાં જ સમય વિતાવી રહ્યા છે. ઘર બેઠા કઈ રીતે સમય વિતાવો તેની અમુક ટિપ્સ પણ અમુક સ્ટાર્સ આપી રહ્યા છે તો અમુક સ્ટાર્સ પોતે કઈ રીતે ઘર બેઠા સમય વિતાવી રહ્યા છે તેની માહિતી સોશિયલ મીડિયા પર આપી રહ્યા છે. કેટરિના કૈફ ઘર બેઠાં ગિટાર વગાડતા શીખી રહી છે. તેણે ઇન્સ્ટાગ્રામ પર વીડિયો શેર કર્યો હતો જેમાં તેણે સાઉન્ડ મ્યુટ રાખ્યો હતો. કેટરિનાએ લખ્યું હતું કે, ‘વર્ક ઈન પ્રોગ્રેસ સાઉન્ડ કમિંગ સૂન.આશા છે કે હું અંકુર તિવારીને નાખુશ નહીં કરું.’ અંકુર તિવારી સિંગર અને રાઇટર છે. કેટરિનાએ બીજા પણ અમુક વીડિયો શેર કર્યા છે જેમાં તેણે વર્કઆઉટ ફ્રોમ હોમનો વીડિયો શેર કર્યો હતો.