અમદાવાદ શહેર પોલીસે શાહઆલમ વિસ્તારમાં રહેતા કોંગ્રેસના કોર્પોરેટર શહેજાદ પઠાણની ધરપકડ કરી છે. શાહઆલમમાં નાગરિકતા બિલના વિરોધમાં જંગી રેલી યોજયા બાદ પોલીસ પર પથ્થર મારો થયો હતો અને પોલીસ પર ટોળા દ્રારા હુમલો પણ કરાયો હતો આ કેસમાં પોલીસે શહેજાદખાનની ધરપકડ કરીને રિમાન્ડ મેળવ્યાં હતા બાદમાં હવે કારંજ પોલીસે ટ્રાન્સફર વોરંટથી શહેજાદની ધરપકડ કરી છે. વર્ષ 2017માં અમદાવાદમાં એએમસીનો ઓફિસમાં તોડફોડને લઈને રાયોટિંગનો ગુનો નોંધાયો હતો. AMC ઓફિસમાં વિરોધ કાર્યક્રમ દરમિયાન ટોળાએ તોડફોડ કરી હતી અને તેમાં હાજર શહેજાદખાને નેતા પર કચરો ઢોળ્યો હતો.