સુરતઃનાં ભટાર વિસ્તારના ખાડી રોડ પર પૂરપાટ ઝડપે કાર ચાલકે બે બાળકોને અડફેટે લેતાં 2 વર્ષનાં બાળકનુ મોત થયું છે જયારે તેના મોટા 4 વર્ષના ભાઈને ઈજાગ્રસ્ત હાલતમાં સારવાર અર્થે સિવિલ હોસ્પિટલ ખસેડાયો છે બનાવ બાદ કારચાલક કાર મુકીને ફરાર થઈ ગયો હતો રોષે ભરાયેલા લોકોએ કારના કાચ તોડી નાંખ્યાં હતા. પોલીસે ઘટનાસ્થળે આવીને ફરાર થઈ ગયેલા દિનેશ નામના કારચાલકની શોધખોળ શરુ કરી છે. પાંડેસરા વિસ્તારના સિધ્ધાર્થનગરમાં ઝાલોદના સંગાડા પરિવારના આ બાળકો હતા. બાળકોના માતા અને પિતા મજુરી કામ કરતા હતા અને બન્ને બાળકો માટીના ઢગલા પર બેઠા હતા ત્યારે અચાનક કારચાલકે કાબુ ગુમાવતા તેમને ઉડાવી દીધા હતાં.