‘બાગી’ સિરીઝની ટાઈગર શ્રોફની ત્રીજી ફિલ્મ મારધાડથી ભરપુર તો બનાવાઈ છે સાથોસાથ તેના ગીતને પણ લોકપ્રિય બનાવવાનો પ્રયાસ કરાઈ રહ્યો છે જેમા દસ ફિલ્મનુ જુનુ ગીત નવુ બનાવીને લેવાયું છે .‘બાગી 3’ના પહેલા સોન્ગ ‘દસ બહાને 2.0’નું ટીઝર રિલીઝ કરવામાં આવ્યું છે .ટાઇગર શ્રોફ અને શ્રદ્ધા કપૂર સ્ટારર આ ફિલ્મનું પહેલું સોન્ગ ‘દસ બહાને કરકે લે ગયા દિલ’ સોન્ગનું રિમેક વર્ઝન છે. 2005માં આવેલ ‘દસ’ ફિલ્મના આ સોન્ગનું રિમેક વર્ઝન વિશાલ અને શેખરે બનાવ્યું છે. ફિલ્મની સ્ટારકાસ્ટમાં ટાઇગર શ્રોફની સાથે લીડ રોલમાં શ્રદ્ધા કપૂર, અને રિતેશ દેશમુખ પણ સામેલ છે. એકશનના તમામ સીન સિરિયામાં શુટ કરાયાં છે. પોતાના ભાઈ રિતેશનુ અપહરણ થતાં તેને છોડાવવા માટે ટાઈગર શ્રોફ સિરિયા પહોચે છે જયાં આંતકીઓ સામે જંગ લડીને તેને મુક્ત કરાવે છે. આ એક્શન ફિલ્મને કોરિયોગ્રાફરમાંથી ડિરેક્ટર બનેલા અહમદ ખાને ડિરેક્ટ કરી છે. ફિલ્મને સાજીદ નડિયાદવાલા અને ફોક્સ સ્ટાર સ્ટુડિયોઝ સાથે મળીને પ્રોડ્યૂસ કરી છે. ફિલ્મ 6 માર્ચના રોજ રિલીઝ થશે.