ભારતીય ક્રિકેટ ટીમમાં ઓલ રાઉન્ડર અને ભારતીય યુવા ક્રિકેટર ટીમના કેપ્ટન હાર્દિક પંડયા ફરી એકવખત લગ્નગ્રંથીથી બંધાવા જઈ રહ્યો છે. જેમાં મોટી વાત એ છે કે તેને પોતાના ડેસ્ટિનેશન વેડિંગ માટે ઉદયપુરની પસંદગી કરી છે. એક ખાસ વાત એ પણ છે કે હાર્દિક અને નતાશા વેલેન્ટાઈન ડેના વિશેષ અવસર પર લગ્નના બંધનમાં બંધાવા જઈ રહ્યાં છે. જો કે હજુ સુધી તે વાત સામે નથી આવી કે તેમના લગ્નનો કાર્યક્રમ શું હશે, કેમકે ડેસ્ટિનેશન વેડિંગને હજુ સુધી સંપૂર્ણપણે સીક્રેટ રાખવામાં આવ્યું છે. હાર્દિક અને નતાશાના લગ્નમાં અનેક ફિલ્મી સ્ટાર્સ અને ક્રિકેટર સામેલ થઈ શકે છે.
પહેલાં કર્યા હતા કોર્ટ મેરેજ
મીડિયા રિપોર્ટ મુજબ હાર્દિક પંડયાએ બોલિવૂડ એક્ટ્રેસ નતાશા સ્ટેનકોવિક સાથે 31 મે, 2020નાં રોજ મુંબઈમાં કોર્ટ મેરેજ કર્યાં હતા. એક વર્ષ પછી તેમને એક પુત્ર પણ થયો. કોરોનાકાળમાં તેમના કોર્ટ મેરેજમાં માત્ર પરિવારના સભ્ય જ સામેલ થઈ શક્યા હતા. ત્યારે હવે તેઓ હિન્દુ રીતરિવાજ સાથે લગ્ન કરવા માગે છે તેથી તેમણે ડેસ્ટિનેશન વેડિંગ માટે પ્રસિદ્ધ ઉદયપુર શહેરની પસંદગી કરી છે. તેમના લગ્નનો કાર્યક્રમ 13 ફેબ્રુઆરીથી શરૂ થશે જે 16 ફેબ્રુઆરી સુધી ચાલશે. જેમાં પીઠી, મેહંદી સહિતના કાર્યક્રમો થશે. જો કે તેમના લગ્ન 14 ફેબ્રુઆરીનાં રોજ થશે.
ઉદયપુરમાં થયા છે અનેક ડેસ્ટિનેશન વેડિંગ્સ
લેક સીટી ઉદયપુરમાં અનેક ડેસ્ટિનેશન વેડિંગ્સ થયાં છે. જેમાં મુખ્ય રૂપે ઉદય વિલાસ, લીલા, લેક પેલેસ, ફતહ પ્રકાશ, જગમંદિર સિતારા હોટલ્સને વેડિંગ માટે પસંદ કરવામાં આવે છે. કેમકે ઉત્કૃષ્ટ વ્યૂની સાથે આ તમામ હોટલ લેકના કિનારે છે. જાણકારી મુજબ હાર્દિક અને નતાશાના લગ્ન પણ આ જગ્યામાંથી કોઈ એક જગ્યાએ થશે તેવી શક્યતા વધુ છે.