આગામી ઇન્ડિયન પ્રીમિયર લીગ (IPL)ની 13મી સિઝન 29 માર્ચથી શરૂ થશે જેમાં પ્રથમ મેચ મુંબઈના વાનખેડે સ્ટેડિયમમાં રમાશે. જો કે આ આઈપીએલની શરૂઆતની મેચમાં કોઈ સ્ટાર ખેલાડી રમતો જોવા નહી મળી શકે. કેમ કે એક સાથે ઓસ્ટ્રેલિયા, ઈગ્લે્ન્ડ , ન્યુઝિલેન્ડની પણ મેચો અલગ અલગ સ્થળે રમાતી હશે. બાદમાં તમામ સ્ટાર ખેલાડીઓ મેચમાં પાછા આવી જશે. આ સિઝનનો સૌથી મોંઘો બોલર ઓસી.નો પેટ કમિન્સ રમી શકશે નહીં. તે ઘરઆંગણે ટી-20 સીરિઝ રમશે. જોકે બીજો સૌથી મોંઘો ખેલાડી ઓલરાઉન્ડ ગ્લેન મેક્સવેલ કિંગ્સ ઈલેવન પંજાબ સાથે જોડાઈ શકે છે.