ભારતમાં કોરોના વાયરસના વધતા કેસની વચ્ચે આંધ્ર પ્રદેશમાં નવો સ્ટ્રેન સામે આવ્યો છે. જેનું નામ છે એપી સ્ટ્રેન .હાલમાં વૈજ્ઞાનિક ભાષામાં તેને N440K સ્ટ્રેન કહેવાય છે. આ સ્ટ્રેનની સેન્ટર ફોર સેલ્યુલર એન્ડ મોલેક્યુલર બાયોલોજી (સીસીએમબી) ના વૈજ્ઞાનિકોએ શોધ કરી છે. આ સ્ટ્રેનને લઈને એવુ મનાઈ રહ્યુ છે કે આ સ્ટ્રેન 15 ગણું વધુ સંક્રમણ ફેલાવે છે. જેના કારણે દર્દી લોકો 3 થી 4 દિવસમાં બીમાર થઈ જાય છે. કોરોના વાયરસનો નવો એપી સ્ટ્રેન N440K સ્ટ્રેન ઝડપથી વિકસી રહ્યો છે. તેનો ઇનક્યૂબેશન સમયગાળો અને બીમારી ફેલાવવાનો સમયગાળો ટૂંકોછે. તે ખૂબ જ ઝડપથી ફેલાઈ રહ્યો છે .વિશાખાપટ્ટનમના જિલ્લા કલેકટર વી.વિનય ચંદે જણાવ્યુ હતુ કે, હાલ CCMBમાં અનેક સ્ટ્રેનોની તપાસ ચાલુ છે. ક્યો સ્ટ્રેન કેટલો ખતરનાક છે, તે ફક્ત CCMBના વૈજ્ઞાનિકો જ કહી શકશે. પરંતુ તે સાચું છે કે નવો સ્ટ્રેન મળ્યો છે. તેના નમૂનાઓ લેબોરેટરીમાં મોકલાયા છે